News Category: activities

June 21, 2026 (Ashad 7, 2083)

Pokhara, Nepal: The Research Center, Invention and Innovation Center (RC-II) of Gandaki University, with financial support from the University Grants Commission (UGC), Nepal, successfully conducted a three-day training program on Responsible Conduct of Research (RCR) from June 19 to 21, 2026 (Ashad 5–7, 2083).

The training program brought together more than 45 participants representing diverse academic and research backgrounds from higher education institutions in Pokhara, including Gandaki University, Pokhara University, Prithvi Narayan Campus, and Pokhara Nursing Campus. The event served as an important platform for fostering collaborative learning and promoting best practices in research among faculty members, researchers, and graduate scholars.

The program featured eight distinguished resource persons with expertise in various disciplines of research and academia. Through interactive sessions, discussions, and practical insights, participants were introduced to fundamental principles and emerging issues related to research ethics and integrity.

The training primarily focused on strengthening research integrity, ethical and responsible research practices, publication ethics, and institutional responsibilities in conducting, managing, and disseminating research. Key themes included ethical decision-making in research, plagiarism prevention, responsible authorship, data management, peer review ethics, and compliance with institutional and national research guidelines.

Speaking on the significance of the program, organizers emphasized that responsible conduct of research has become increasingly important in today’s academic and research environment. Funding agencies, regulatory bodies, and academic institutions worldwide are placing greater emphasis on ethical accountability, transparency, and integrity in research processes and outputs. Therefore, strengthening researchers’ capacity in ethical research practices is essential for ensuring the quality, credibility, and societal relevance of scholarly work.

The successful completion of this training reflects Gandaki University’s continued commitment to promoting a culture of research excellence, innovation, and integrity. RC-II remains dedicated to organizing similar capacity-building initiatives in the future to further enhance the research competencies of scholars and academic professionals.

पोखरा, जेठ २७

गण्डकी विश्वविद्यालयका नवनियुक्त रजिस्ट्रार डा. ढाकाराम भण्डारीले आज औपचारिक रूपमा पदबहाली गर्नुभएको छ। विश्वविद्यालय परिसरमा आयोजित एक कार्यक्रममा उहाँले रजिस्ट्रार पदको जिम्मेवारी ग्रहण गर्दै आफ्नो कार्यभार सम्हाल्नुभएको हो।

गण्डकी विश्वविद्यालय ऐन, २०७६ को दफा २७ को उपदफा (३) र (४) बमोजिम कुलपति प्रा. डा. इन्द्र प्रसाद तिवारीद्वारा डा. भण्डारीलाई ऐनमा व्यवस्था भएअनुसारको पदावधिका लागि विश्वविद्यालयको रजिस्ट्रार पदमा नियुक्त गरिएको हो।

पदबहाली कार्यक्रममा गण्डकी विश्वविद्यालयका कुलपति प्रा. डा. इन्द्र प्रसाद तिवारी, उपकुलपति, विश्वविद्यालयका पदाधिकारी तथा अन्य सरोकारवालाहरूको उपस्थिति रहेको थियो। सो अवसरमा बोल्दै कुलपति तिवारीले रजिस्ट्रारजस्तो उच्च, जिम्मेवारीपूर्ण तथा महत्वपूर्ण पदमा नियुक्त हुनुभएकोमा डा. भण्डारीलाई हार्दिक बधाई ज्ञापन गर्नुभयो। उहाँले विश्वविद्यालयको शैक्षिक, प्रशासनिक तथा संस्थागत सुदृढीकरणका साथै समग्र विकासमा डा. भण्डारीको सक्रिय, सशक्त तथा नेतृत्वदायी भूमिका रहने विश्वास व्यक्त गर्नुभयो।

कुलपति तिवारीले उच्च शिक्षाको गुणस्तर अभिवृद्धि, अनुसन्धान प्रवर्द्धन तथा विश्वविद्यालयका दीर्घकालीन रणनीतिक लक्ष्यहरू हासिल गर्न सक्षम, प्रतिबद्ध र दूरदर्शी नेतृत्व आवश्यक रहेको उल्लेख गर्दै डा. भण्डारीको अनुभव, दक्षता र नेतृत्व क्षमताले विश्वविद्यालयलाई थप उचाइमा पुर्‍याउन महत्वपूर्ण योगदान पुर्‍याउने बताउनुभयो। साथै, विश्वविद्यालयमा सुशासन, पारदर्शिता, जवाफदेहिता तथा परिणाममुखी कार्यसंस्कृतिलाई थप सुदृढ गर्दै लैजानुपर्ने आवश्यकता औंल्याउँदै उहाँले सबै पक्षबीच सहकार्य र समन्वयलाई प्राथमिकता दिनुपर्नेमा जोड दिनुभयो।

पदबहालीपछि आफ्नो मन्तव्य व्यक्त गर्दै रजिस्ट्रार डा. ढाकाराम भण्डारीले विश्वविद्यालयको प्रशासनिक दक्षता अभिवृद्धि, शैक्षिक गुणस्तर सुदृढीकरण तथा अनुसन्धान र नवप्रवर्तनको प्रवर्द्धनलाई प्राथमिकतामा राखी कार्य गर्ने प्रतिबद्धता व्यक्त गर्नुभयो। उहाँले विश्वविद्यालयका सम्पूर्ण सरोकारवालासँग सहकार्य र समन्वय गर्दै संस्थाको समग्र विकास तथा शैक्षिक उत्कृष्टताका लागि समर्पित भएर कार्य गर्ने बताउनुभयो।

 

कार्यक्रममा उपस्थित उपकुलपति, प्राध्यापक, कर्मचारी तथा सरोकारवालाहरूले नवनियुक्त रजिस्ट्रारलाई बधाई तथा शुभकामना व्यक्त गर्नुभएको थियो ।

Official Announcement Seminar for “Gandaki Research Program” and “Gandaki Research Management Service” on 20 Chaitra 2082 (3 March 2026) @ Gyankunj, Malmul, Pokhara-32. The program was inaugurated by Hon Bindu Kumar Thapa, Minister for Social Development, Youth and Sports, Gandaki Province.

पोखरा, चैत्र २८, २०८२

गण्डकी विश्वविद्यालयको प्रथम दीक्षान्त समारोह भव्य रूपमा सफलतापूर्वक सम्पन्न भएको छ। यस ऐतिहासिक समारोहले विश्वविद्यालयको शैक्षिक यात्रामा एक स्वर्णिम अध्याय थपेको छ। उक्त अवसरमा विश्वविद्यालयले आफ्ना प्रतिभाशाली विद्यार्थीहरूलाई पदक तथा प्रमाणपत्र प्रदान गर्दै सम्मानित गरेको थियो।

स्नातक तहमा ३.९५ सीजीपीए हासिल गर्ने गौरव भण्डारीले कुलपति पदक प्राप्त गर्ने गौरवपूर्ण अवसर प्राप्त गरेका छन्। गौरव औषधि विज्ञान (Bachelor of Pharmacy) कार्यक्रमका  विद्यार्थी हुन्। यसैगरी, उपकुलपति पदकको सम्मान तीनजना विद्यार्थीहरूले हात पारेका छन्। तीमध्ये गौरव भण्डारी (CGPA ३.९५, B. Pharmकार्यक्रम), क्याटरीना बस्नेत (CGPA ३.८९, सूचना प्रविधि कार्यक्रम) र मलिनकुमार रोका (CGPA ३.५९, खेलकुद व्यवस्थापन कार्यक्रम) रहेका छन्।

उक्त दीक्षान्त समारोहमा कुल ४४ जना विद्यार्थीहरू दीक्षित भएका थिए। दीक्षित हुनेहरूमा खेलकुद व्यवस्थापनतर्फ ११, सूचना प्रविधितर्फ १८ र औषधि विज्ञानतर्फ १५ जना विद्यार्थीहरूको सहभागिता रहेको थियो।

समारोहलाई सम्बोधन गर्दै गण्डकी प्रदेशका मुख्यमन्त्री सुरेन्द्रराज पाण्डेले अनुसन्धान, प्रविधिको प्रयोग र उत्पादनसँग प्रत्यक्ष जोडिएको शिक्षा प्रणाली वर्तमान नेपालको लागि अपरिहार्य रहेको धारणा राख्नुभयो। परम्परागत शिक्षाले मात्र देशको आर्थिक रूपान्तरण सम्भव नहुने स्पष्ट पार्दै युवा पलायन रोक्न शिक्षा प्रणालीलाई रोजगारमुखी, उद्यमशीलता विकासमुखी र देशभित्रै अवसर सिर्जना गर्ने खालको बनाउनुपर्नेमा जोड दिनुभयो। मुख्यमन्त्री पाण्डेले उच्च शिक्षा पूरा गरेपछि ठूलो संख्यामा युवा विदेशिने प्रवृत्तिलाई गम्भीर चिन्ताको विषय बताउँदै प्रदेश सरकार शिक्षालाई आर्थिक विकाससँग जोड्ने नीतिमा क्रियाशील रहेको जानकारी दिनुभयो।

समारोहका प्रमुख वक्ता वरिष्ठ शिक्षाविद् केदारभक्त माथेमाले बदलिँदो विश्व परिवेशअनुसार शिक्षा प्रणालीको स्वरूप परिवर्तन गर्नुपर्ने आवश्यकता औंल्याउँदै बजारमुखी, अनुसन्धानमुखी र कृत्रिम बौद्धिकता (एआई) सम्बन्धित विषयलाई पाठ्यक्रममा समावेश गरी विद्यार्थीहरूमा चिन्तन, विश्लेषण र समाधानको क्षमता विकास गरिनुपर्ने धारणा राख्नुभयो। विद्यार्थीलाई केवल जानकारीले मात्र नभई सोच्ने, विश्लेषण गर्ने र समस्या समाधान गर्ने सामर्थ्यले सुसज्जित बनाउनुपर्नेमा जोड दिनुभयो। न्यासिक परिषद्का अध्यक्ष कैलाशनाथ प्याकुरेलले अब विश्वविद्यालय भौतिक पूर्वाधार निर्माणभन्दा गुणस्तरीय शिक्षा र संस्थागत सुदृढीकरणतर्फ केन्द्रित हुनुपर्ने धारणा राख्नुभयो।

विश्वविद्यालयका कुलपति प्रा. डा. इन्द्र प्रसाद तिवारीले गण्डकी विश्वविद्यालयलाई अनुसन्धानमुखी, प्रविधिमैत्री तथा अन्तर्राष्ट्रियस्तरको शैक्षिक केन्द्रका रूपमा विकास गर्ने लक्ष्य रहेको बताउँदै अनुसन्धान केन्द्र विस्तार, सरकारी तथा गैरसरकारी निकायसँग सहकार्य र समुदायमा आधारित अध्ययन-अनुसन्धानलाई प्राथमिकता दिइने जानकारी दिनुभयो। दीक्षान्त समारोहलाई भव्यताका साथ सम्पन्न गर्न विश्वविद्यालयका उपकुलपति एवं परीक्षा समितिका अध्यक्षसमेत रहनुभएका डा. कृष्ण राज अधिकारीको नेतृत्वमा दीक्षान्त समारोह समिति गठन गरिएको थियो।

विश्वविद्यालयले गण्डकी प्रदेश सरकार, माननीय मुख्यमन्त्री सुरेन्द्रराज पाण्डे, सामाजिक विकास, युवा तथा खेलकुद मन्त्री, प्रमुख वक्ता शिक्षाविद् केदारभक्त माथेमा, न्यासिक परिषद्का अध्यक्ष तथा सदस्यहरू, कुलपति तथा सम्पूर्ण पदाधिकारीहरू, विज्ञ व्यक्तित्वहरू, समाजसेवीहरू, पत्रकारहरू, विभिन्न संघ-संस्थाका प्रमुख एवं प्रतिनिधिहरू तथा समारोहलाई सफल बनाउन अहोरात्र खटिने सम्पूर्ण शिक्षक एवं कर्मचारीहरूप्रति विशेष कृतज्ञता ज्ञापन गरेको छ।

फाल्गुन ४, २०८२

गण्डकी विश्वविद्यालयको छैटौं वार्षिकोत्सव समारोहका सम्पन्न भएको छ। उक्त अवसरमा गण्डकी विश्वविद्यालय न्यासिक परिषद् अध्यक्ष प्राडा कैलाशनाथ प्याकुरेलले विश्वविद्यालय अब संस्थागत सुदृढीकरण र गुणस्तरीय शिक्षाको उन्नयनतर्फ केन्द्रित हुनुपर्ने धारणा व्यक्त गर्नुभयो। उहाँका अनुसार अनुसन्धान, सूचना प्रविधि, खेलकुद व्यवस्थापन, बीबीए, कानुन तथा एमआईटी-एआई लगायत कार्यक्रम सञ्चालन, भौतिक पूर्वाधार निर्माण र प्रशासनिक व्यवस्थापन सम्पन्न भइसकेकाले अब नवप्रवर्तन, उद्यमशीलता र समुदायमुखी सेवामा अग्रसर हुनुपर्ने आवश्यक छ।

कुलपति प्राडा इन्द्रप्रसाद तिवारी ले विश्वविद्यालयसँग ५२६ रोपनी जग्गा, दुई संकायअन्तर्गत पाँच स्नातक र स्नातकोत्तर कार्यक्रम  सञ्चालन  तथा १३ भन्दा बढी पाठ्यक्रम तयार भइसकेको जानकारी दिनुभयो। हाल ५३ जिल्लाका ६९६ विद्यार्थी अध्ययनरत रहेको र १७.२ प्रतिशत छात्रवृत्ति उपलब्ध गराइएको उल्लेख गर्दै उहाँले अनुसन्धान विस्तार, सरकारी सहकार्य र समुदायसम्म विद्यार्थी अनुसन्धान पुर्‍याउने योजना रहेको बताउनुभयो।

उपकुलपति डा. कृष्णराज अधिकारी ले दीर्घकालीन रणनीतिअनुसार बजारमुखी तथा कृत्रिम बौद्धिकतासम्बन्धी पाठ्यक्रम विकास गरिएको र खेलकुदसम्बन्धी कार्यक्रम नेपालमै पहिलोपटक सञ्चालन गरिएको जानकारी दिनुभयो। साथै चाँडै ४३ विद्यार्थी दीक्षित हुने बताउँदै रोजगारमुखी र उद्योगसम्बद्ध शिक्षामा विश्वविद्यालय प्रतिबद्ध रहेको स्पष्ट पार्नुभयो।

निवर्तमान रजिष्ट्रार डा. कैलाश तिमल्सिना ले पाँच वर्षदेखि विश्वविद्यालय राजनीतिक हस्तक्षेपबिनै सफलतापूर्वक सञ्चालन भएको र स्थानीय समुदाय, शिक्षक-कर्मचारी तथा सञ्चारकर्मीको सहकार्य प्रशंसनीय रहेको उल्लेख गर्नुभयो।

समारोहमा पोखरा स्वास्थ्य विज्ञान प्रतिष्ठान का डिन डेभिड श्रेष्ठ, पोखरा उद्योग वाणिज्य संघ अध्यक्ष गोकर्ण कार्की, हिसान का केन्द्रीय उपाध्यक्ष डोलराज पाण्डे, हिस्टुन कास्की अध्यक्ष शंकर तिवारी  तथा ब्रह्मरूपा मावि का प्रधानाध्यापक जनार्दन सुवेदी ले शुभकामना मन्तव्य व्यक्त गर्नुभएको थियो।

पोखरा, २०८२ माघ २४

मिति २०८२ माघ २४ गते, हिसान र हिस्टुनका प्रतिनिधिहरूसँग गण्डकी विश्वविद्यालयमा छलफल कार्यक्रम सफलतापूर्वक सम्पन्न भएको छ ।

कार्यक्रम गण्डकी विश्वविद्यालयका कुलपति प्रा. डा. इन्द्र प्रसाद तिवारीको अध्यक्षतामा सम्पन्न भएको थियो। यस अवसरमा विश्वविद्यालयको शैक्षिक उन्नयन, अनुसन्धान केन्द्रित शिक्षण प्रणाली, अन्तरसंस्थागत सहकार्य र उच्च शिक्षाको गुणस्तर अभिवृद्धिका विषयमा गहन छलफल भएको थियो। उपकुलपति डा. कृष्णराज अधिकारीको विशेष उपस्थिति रहेको कार्यक्रममा विश्वविद्यालयका कानुन तथा व्यवस्थापन संकायका डिन एवं निमित्त रजिस्ट्रार प्रा. हिमराज गिरी, विज्ञान तथा प्रविधि संकायका निमित्त डिन सरोज गिरी, हिस्टुनका केन्द्रीय महासचिव शंकर तिवारी, केन्द्रीय सदस्य सुरज मोहन पोखरेल, सल्लाहकार वावुराम पन्त, महानगर अध्यक्ष यदुनाथ पोखरेल एवं  हिसान कास्कीका अध्यक्ष दिवाकर जैसी, उपाध्यक्ष ढाकाराम कँडेल, उपाध्यक्ष पुरन कुवँर, कोषाध्यक्ष राजेन्द्रमणि पौडेल तथा गण्डकी प्रदेश अध्यक्ष डा. रामजी शर्मा लगायतको उपस्थिति थियो।

कार्यक्रममा गण्डकी विश्वविद्यालयलाई नवप्रवर्तन, अनुसन्धान र समाजसँगको अन्तरक्रियात्मक सहकार्यमार्फत राष्ट्रिय र अन्तर्राष्ट्रिय स्तरमा स्थापित गर्ने आवश्यकतामा विशेष जोड दिइयो। साथै, यस पहलले विश्वविद्यालय र सरोकारवालाबीचको सहकार्यलाई सुदृढ पार्दै शैक्षिक गुणस्तरको दीर्घकालीन अभिवृद्धिमा महत्वपूर्ण योगदान पुर्‍याउने अपेक्षा समेत व्यक्त गरिएको छ।

२०८२ माघ ०७ गते, बुधवार
मुस्ताङ चोक, पोखरा

गण्डकी विश्वविद्यालयको उपकुलपति पदमा सहप्रध्यापक डा. कृष्ण राज अधिकारी नियुक्त हुनुभएको छ। गण्डकी प्रदेश सरकार, मुख्यमन्त्री तथा मन्त्रिपरिषद्को कार्यालयद्वारा जारी मिति २०८२।१०।०४ को नियुक्ति पत्रअनुसार गण्डकी विश्वविद्यालय ऐन, २०७६ को दफा २५ को उपदफा (४) तथा उपदफा (७) बमोजिम उहाँलाई पाँच वर्षे कार्यकालका लागि उपकुलतिमा नियुक्त गरिएको हो।

नियुक्तिपश्चात्, डा. अधिकारीले गण्डकी विश्वविद्यालयको उपकुलतिको कार्यभार ग्रहण गर्नुभएको छ।उक्त कार्यक्रममा गण्डकी विश्वविद्यालयका कुलपति प्रा.डा. इन्द्र प्रसाद तिवारीले नवनियुक्त उपकुलपति डा. कृष्ण राज अधिकारीलाई हार्दिक बधाई व्यक्त गर्दै उहाँको कार्यकाल सफल, परिणाममुखी र प्रेरणादायी रहोस् भन्ने शुभकामना व्यक्त गर्नु भएको थियो।

डा. अधिकारीसँग त्रिभुवन विश्वविद्यालयमा साढे २८ वर्षको सेवा अनुभव रहेको छ र सौर्य ऊर्जामा विद्यावारिधि (PhD) प्राप्त गर्नुभएको छ। यसअघि उहाँ इन्जिनियरिङ अध्ययन संस्थान, लामाचौरका प्रमुख तथा फिजिकल सोसाइटी गण्डकीका अध्यक्ष समेत रहनुभएको थियो।उहाँको नेतृत्वमा विश्वविद्यालयको शैक्षिक गुणस्तर, अनुसन्धान क्षमता र संस्थागत प्रतिष्ठा अझ सुदृढ हुने विश्वास व्यक्त गरिएको छ।

The First Gandaki University-Gyeongsang National University Symposium was successfully organized on January 18, 2026, at the Multipurpose Hall of Gandaki University. The symposium was held in the gracious presence of the Chancellor of Gandaki University, Prof. Dr. Indra Prasad Tiwari, along with the Research Director, Dr. Raj Kumar Thapa, faculty members, staff, and students of the university.
The Korean delegation included Prof. Dr. Sang Hyeok Park from the Department of Entrepreneurship, Gyeongsang National University, Republic of Korea, and Dr. E. Y. Yang, Director of the International Leadership Training Center Pvt. Ltd., Lalitpur, Nepal. Prof. Dr. Park delivered a comprehensive presentation on entrepreneurship and innovation, highlighting global perspectives and best practices. His presentation was followed by an interactive discussion with participants, focusing on various dimensions of nurturing future entrepreneurs in Nepal.
On the same occasion, a Memorandum of Understanding (MoU) was signed between the Beautiful Village Research Institute of Gyeongsang National University and Gandaki University. The MoU aims to establish a collaborative framework for entrepreneurship education, joint research, academic exchange programs, and the development of a startup ecosystem to support youth and aspiring entrepreneurs in Nepal.

पोखरा, २०८२ भदौ २०

नेपाल सरकारका संघीय युवा तथा खेलकुद मन्त्री माननीय तेजु लाल चौधरी आज गण्डकी विश्वविद्यालयको अध्ययन भ्रमणमा आइपुग्नुभयो। भ्रमणका क्रममा उहाँले विश्वविद्यालयको खेलकुद व्यवस्थापनबारे सम्बन्धित पदाधिकारीहरूसँग विस्तृत जानकारी लिनुभयो।

सो अवसरमा गण्डकी विश्वविद्यालयका कुलपति प्रा.डा. इन्द्र प्रसाद तिवारी, उपकुलपति प्रा.डा. नवराज देवकोटा, रजिष्ट्रार डा. कैलाश तिमिल्सिना, नेपाल ओलम्पिक कमिटी (एनओसी) का संयोजक समिम मिया अन्सारी, कानुन तथा व्यवस्थापन संकायका डिन प्रा. हिमराज गिरी, अनुसन्धान निर्देशक डा. राजकुमार थापा, खेलकुद व्यवस्थापन संयोजक एवं राष्ट्रिय खेलकुद परिषद्का बोर्ड सदस्य डा. मधुसुदन सुवेदी, अन्तर्राष्ट्रिय मामिला तथा विकास प्रमुख रवि भण्डारी, सहायक प्रशासक डोलराज सुवेदी, योजना तथा विकास शाखा प्रमुख ई. सुदीप कोइराला तथा कास्की जिल्ला खेलकुद विकास समिति प्रमुख डि.बी. नेपाली र सहायक प्रशासक भावना ढकालको उपस्थिति थियो।

कुलपति तिवारीले विश्वविद्यालयका हालसम्मका उपलब्धि, चुनौती र दीर्घकालीन योजनाबारे जानकारी दिँदै विशेषगरी खेलकुद व्यवस्थापन कार्यक्रमलाई राष्ट्रियस्तरमा विस्तार गर्ने आवश्यकता औंल्याउनुभयो। मन्त्री चौधरीले छोटो अवधिमा गण्डकी विश्वविद्यालयले हासिल गरेको उल्लेखनीय प्रगतिप्रति उच्च प्रशंसा गर्दै यसलाई“राष्ट्रिय गौरवको शैक्षिक तथा खेलकुद केन्द्र” बनाउन सकिने विश्वास व्यक्त गर्नुभयो। उहाँले भन्नुभयो —“खेलकुद शिक्षालाई केवल प्रतिस्पर्धासँग मात्र सीमित नराखी, व्यवस्थापन, अनुसन्धान र उद्यमशीलतासँग जोडेर देशभरका युवालाई आकर्षित गर्नुपर्छ। यस अभियानमा मन्त्रालय आवश्यक सबै सहयोग गर्न तयार छ।” साथै उहाँले खेलकुदमार्फत युवालाई कुलतबाट जोगाउन सकिने मात्र नभई यस क्षेत्रलाई आयआर्जनको भरपर्दो श्रोतका रूपमा विकास गर्न सकिने धारणा राख्नुभयो।

उपकुलपति देवकोटाले अन्तर्राष्ट्रिय विश्वविद्यालयहरूसँग सहकार्य गर्दै खेलकुद व्यवस्थापनलाई विश्वस्तरीय शैक्षिक कार्यक्रमको रूपमा विकास गर्ने दीर्घकालीन योजना अघि सारिएको जानकारी दिनुभयो। रजिष्ट्रार तिमिल्सिनाले आवश्यक भौतिक पूर्वाधार, बजेटीय सहयोग तथा प्रचार–प्रसारका लागि संघीय सरकारसँग प्रभावकारी सहकार्यको अपेक्षा गर्नुभयो।

यसैबीच, नेपाल ओलम्पिक कमिटी (एनओसी)का संयोजक समिम मिया अन्सारीले नेपालमा नियमित रूपमा खेलकुद मुभमेन्ट सञ्चालन गर्ने र त्यसमा गण्डकी विश्वविद्यालयलाई सक्रिय साझेदार बनाउने प्रतिबद्धता व्यक्त गर्नुभयो। त्यस्तै, कास्की जिल्ला खेलकुद विकास समिति प्रमुख डि.बी. नेपालीले आगामी हुने खेलकुदसम्वन्धी जिल्ला  प्रशिक्षकहरूको स्वयंसेवक छनोट प्रक्रियामा गण्डकी विश्वविद्यालयका खेलकुद व्यवस्थापनका विद्यार्थीलाई प्राथमिकता दिनुपर्ने सुझाव राख्नुभयो।

भ्रमणको अन्त्यमा मन्त्री चौधरीले गण्डकी विश्वविद्यालयलाई खेलकुद शिक्षाको उत्कृष्ट केन्द्रका रूपमा विकास गर्न संघीय मन्त्रालय निरन्तर सहकार्य गर्न तयार रहेको स्पष्ट प्रतिबद्धता व्यक्त गर्नुभयो। सोही अवसरमा, कुलपति प्रा.डा. तिवारीले मन्त्रिज्यूको सदिक्षा अनुरूप विश्वविद्यालयले आवश्यक कार्यहरू अघि बढाउने दृढ संकल्प प्रकट गर्नुभयो।

पोखरा,२०८२ भदौ ९ गते (सोमवार)

गण्डकी विश्वविद्यालयले पोखरा-३२, मालेपाटनमा परीक्षा नियन्त्रण कार्यालय भवनको शिलान्यास सम्पन्न गरेको छ। भवनको शिलान्यास गण्डकी प्रदेश सरकारका सामाजिक विकास, युवा तथा खेलकुद मन्त्री माननीय बिन्दुकुमार थापाले गर्नुभयो।

कार्यक्रमको अध्यक्षता विश्वविद्यालयका कुलपति प्रा.डा. इन्द्र प्रसाद तिवारीले गर्नुभएको थियो। सो अवसरमा उपकुलपति प्रा.डा. नवराज देवकोटाले स्वागत मन्तव्य राख्दै भवन निर्माणले विश्वविद्यालयको शैक्षिक तथा प्रशासनिक कार्यलाई थप सुदृढ बनाउने विश्वास व्यक्त गर्नुभयो।

शिलान्यास कार्यक्रममा विश्वविद्यालयका पदाधिकारी, प्राध्यापक, कर्मचारी, पोखरा-३२ का जनप्रतिनिधि, स्थानीय आमा समूह, युवा समूह, बुद्धिजीवी तथा विश्वविद्यालयका शुभचिन्तकहरूको सक्रिय सहभागिता थियो। कार्यक्रममा पोखरा-३२ का वडाध्यक्ष श्री अक्कल बहादुर कार्कीले शुभकामना मन्तव्य व्यक्त गर्दै यस कार्यले प्रदेशको उच्च शिक्षामा नयाँ ऊर्जा दिने धारणा राख्नुभयो।

प्रमुख अतिथि मन्त्री थापाले गण्डकी विश्वविद्यालय प्रदेशको शैक्षिक विकासको महत्वपूर्ण आधारशिला रहेको उल्लेख गर्दै परीक्षा प्रणालीलाई सहज, पारदर्शी र गुणस्तरीय बनाउन यस भवनको निर्माण अपरिहार्य भएको बताउनुभयो।

विश्वविद्यालयका योजना तथा विकास शाखा प्रमुख ई. सुदिप कोइरालाका अनुसार परीक्षा नियन्त्रण कार्यालय भवन निर्माणको ठेक्का सम्झौता श्रेष्ठ–एस.के.आर.–वास्तु जे.भी., काठमाडौंसँग रु. ४ करोड १५ लाखमा भएको छ। साथै, भवन वि.सं. २०८३ असार महिनासम्म निर्माण सम्पन्न गर्ने लक्ष्य राखिएको ई. कोइरालाले जानकारी दिनुभयो।

कार्यक्रमको समापनमा अध्यक्ष कुलपति प्रा.डा. इन्द्र प्रसाद तिवारीले सहभागी सबैप्रति धन्यवाद ज्ञापन गर्दै औपचारिक रुपमा कार्यक्रम सम्पन्न गर्नुभयो।